احد المفسدات اللى ف حياتنا ...التلفزيون

احد المفسدات اللى ف حياتنا ...التلفزيون
رمضان للاسف بيضيع بسبب التلفزيون بل اخرتنا هتضيع بسبب التلفزيون
احنا بقت مفاهيمنا وعاداتنا كلها متكونه من التلفزيون
مفهوم قيمه الدين ف حياتنا وقيمه حب ربنا ف حياتنا وقيمه الاستعانة بالله
ولما تيجى تقول بعد كدا ده غلط يطلع ان انت متشدد مع ان ده أ..ب فى الدين ان الحاجه دى غلط
لما نقول الحلال
كزا يطلع ان انت مزودها مع ان النبى صلى الله عليه وسلم قال "ماتركت من
خير يقربكم من الله ويباعدكم عن النار إلا دللتكم عليه"
لكن يجى الاعلام يغير كل المفاهيم دى ويبقى الحرام والمجاهره بالمعاصى هيه دى العادات بل ممكن تكون تحت بند العادى !!

انت عارف ان فيه اشياء بتستقبلها بعقلك الواعى ودى اللى انت بتشوفها وفيه اشياء تانى اضعافها بتخزنها ف عقلك اللاواعي
العقل اللاوعى ده بيخزن معلومات اضعاف اللى انت بتسمعها او بتشوفها وبتطلع ف موقف معين فخد بالك التلفزيون
بيربى دنيتك اللى هيه مزرعه اخرتك
وكل مشهد العين بتلقطه بتبعت صوره تتحط فالقلب فتبدا العين تشوف وهيه مغمصه صوره القلب
بل اللى بتسمعه بودانك او بتقراه بيتكون له صوره قدام عنيك كمثال لو قلت لك قطه بيضا...
شايف قطه بيضا لو
قلت لك مثلا حاجه متتخيلهاش فيل احمر مثلا انت اكيد شايفه دلوقتى بمجرد
ما قلت اسمه طب لو قلت لك بنت عاريه..واسف عاللفظ ..دلوقتى انت هتيجى
تقولى ليه كدا خلتنى اتخيل حاجه حرام..

طب بالله عليك امال لما تشوفها بعنيك؟؟؟

اذا كان سمعت الاسم بودانك فقام قلبك جايبها قدامك فما ظنك لما تشوفها بعنيك
ازاى تبقى ف
العين والقلب اعرف اقرب لربنا ازاى..اعرف اصوم رمضان ازاى لما انا بعد
الفطار ولا قبله عمال اشوف البنات والحب والقعدات الغراميه ؟؟؟

انت عارف ان
الشيطان ليه جنود ف كل حته يعنى انا ممكن ابقى من جنود الشيطان لو انا
ببث فكره مش كويسه اوبقول كلام عكس كلام ربنا وعكس كلام النبى صلى الله
عليه وسلم
قال تعالى "الذى يوسوس ف صدور الناس من الجنه والناس"

"وَإِنَّ الشَّيَاطِينَ لَيُوحُونَ إِلَى أَوْلِيَائِهِمْ لِيُجَادِلُوكُمْ وَإِنْ أَطَعْتُمُوهُمْ إِنَّكُمْ لَمُشْرِكُونَ"

فييبدا الشيطان
قبل ما يتسلل ف رمضان يجهز جنوده من الانس عشان يبعدونا عن ربنا وخلى
بالك اى حد يبث لنا ماده النبى بيكرها ده يبقى من جنود الشيطان ولو
النبى كان شافها كان يشيح عنها

زى ما علمنا انه لما كان بيشوف حاجه بيكرهها كان يعرض ويشيح يعنى يبعد عنها ..
احنا مش عايزين من كتر فرجتنا ع حاجات مترضيش ربنا والنبى
النبى يشيح عنا احنا لان كل انسان يوم القيامه اعماله ظاهره ف وشه

وُجُوهٌ يَوْمَئِذٍ نَاضِرَةٌ { 22 } إِلَى رَبِّهَا نَاظِرَةٌ { 23 } سورة القيامة

عايزين وجونا تنور بالاستقامه على طريق ربنا
***************************
احنا للاسف عندنا 42 قناه فيديو كليب شغاله 24 ساعه مش بتعرض غير العرى!!
لازم تبقى عارف كويس ومجهز الاجابه يوم القيامه هيه الحاجات دى كانت ع تلفزيونك ليه انت تعرف ان فيه زرار اسمه DELETE ..
لو ربنا عز وجل
اوقفنا بين ايده ولما يجى النبى وعينه ف عنيك ويقولك ليه مكنتش ماسح
قنوات الاغانى اللى فيها رقص وعرى قولى كدا الحجه ايه ؟؟

قولى كدا اللسان الطلق اللى يعرف يتكلم ويطلع من موضوع ويتكلم ف موضوع هتقول للنبى ايه ؟؟؟؟

انا لسه مقلتش
ربنا ....هسالك سؤال لو جه واحد من خزنه النار من زبانية النار ويقولك
ليه كنت بتغضب ربى وحبيبي وبتتفرج ع واحده عاريه بترقص ف التلفزيون قولى
كدا هترد عليه تقوله ايه ؟؟ - انا أسف ع الألفاظ -

عشان كدا يا جماعه مينفعش يبقى عندنا الحاجات دى ف البيت ومينفعش ابقى سايبها وعيالى واى واحد يدخل ف بيتى يشوفها

ومش هنساها ابدا كنت معدى ف مكان وسمعت مره ف تمثليه واحد بيقول احنا عايشين عيشه الكلاب !!!

تخيل لو واحد قاعد
وعنده ضائقه ماديه او عنده مشكله ف حياته ولسه الفرج مجاش لحكمه عند
ربنا فمتهان شويه ويسمع الكلمه دى تخليه يقول اه والله صح....
الكلمه دى كارثه
يا جماعه كارثه ف حق ربنا ان ربنا معرفش او مقدرش من الاخر ظلمنا عايشين
عيشه الكلاب يعنى ان ربنا جابنى بنى ادم ولما جه اختر لى عيشه اختارها
غلط ....
جل فى علاه تعالى الله عما يقولون علو كبيرا ..
****************************
نيجى بقى لصوره
الإسلام ..كلمه "حي" اللي بتشوفها ف اغلب الأفلام والمسلسلات عمرك
سمعتها ف مسجد قبل كدا بالله عليك حتى شفتها ف الشارع مسمعنهاش الا عن
طريق شكل الدراويش اللي بيطلع ف الإعلام
وأنا صغير كنت بكره ابقى زى الراجل ده لانه شكله مش حلو ومش استايل ومش بيتكلم باللغه بتاعتنا وغريب اوى ف لبسه..

او تلاقى الناحيه
التانيه متشدد واول ما اقرب لربنا تحت عنيه يسود وبقى انسان غليظ مع
الناس مع انه كان لطيف اوى امبارح ايه اللى خلاه غليظ هوه الدين الدين
اصلا بتاع الناس الغليظه !!
فالواحد كان بيكره
الالتزام وبيكره الدين بين قوسين بيكره طريق النبى عليه الصلاه والسلام
لصوره الدين اللى بيؤخذ من الاعلام فخد بالك..

خد بالك من العقل والقلب اللى ربنا كرمك بيه خد بالك عندك قنوات ايه ف التلفزيون..

رمضان اللى فات
كان عندنا 94 مسلسل تخيل انا عمال بتفرج ع 94 مسلسل طب بلا ش انا يا عم
مش بتاع مسلسلات هتفرج ع 4 بس 30 حلقه كل حلقه ساعه
فيهم كام بنت شايفها ..وكام حاله حب وكام لمسه ..
وكام واحد بيحضن واحد وهيه مش بنته ولا اخته ولا مراته؟؟

والرسول صلى الله عليه وسلم بيقول
( من قام رمضان إيماناً واحتساباً غُفر له ما تقدم من ذنبه ) متفق عليه .

خساره يضيع رمضان ف
94 مسلسل خساره الواحد يتفرج ع مسلسل واحد يبقى كل يوم بيشوف حاجات
اغلبها حرام ويصحى تانى يوم نويت الصيام وقلبه مشغول بالستات والرجاله
اللى كانوا ف المسلسل هتقولى بس انا ممكن اتفرج ع فيلم او مسلسل ليه هدف
وليه قيمه وبيثبت ان الحق لازم ينتصر وان البنى ادم الوحش نهايه وحشه ..
طب ما انت عارف المعلومات دى وبعدماخلص المسلسل شفت 500 ولا يجى الف منظر هتيجى يوم القيامه

لَقَدْ كُنتَ فِي غَفْلَةٍ مِّنْ هَذَا فَكَشَفْنَا عَنكَ غِطَاءكَ فَبَصَرُكَ الْيَوْمَ حَدِيدٌ"
هتقوله ايه لما يقولك انت ناسى قل للمؤمنين يغضوا من ابصارهم ؟؟؟
واحد ممكن يجى يقولى ع فكره انا هتفرج ولما يجى منظر مش كويس اقوم باصص ف الارض او اغمض عينى!!!.. بجد؟؟؟؟

طب لما تيجى الست نفسها اللى ربنا قالك غض بصرك عنها ولا تنظر الا للضروره

والامر كذلك للنساء "وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنَّ "

لما يجى بطل الفيلم ولا المسلسل بتغضى بصرك زى ما ربنا قال لك ؟؟؟

واحد تانى يجى يقولى ما الناس بتعمل كدا وكل الناس بتتفرج انت معقد الدنيا ليه ...
طب هسالك سؤال..لو بكره رحت الشغل متاخره ولقيت الناس كلها متاخر
جابكم المديرقالك اتاخرت ليه قلت له انت بتسالى ليه ما الناس كلها اتاخرت لو عامل فيها جدع تقدر ترد الرد ده؟؟

تقدر تقول لربنا يوم القيامه اصل الناس كلها يارب كانت بتعمل كدا
هيترد عليك هو انت مسمعتش قبل كدا الايه اللى بتقول

وَإِنْ تُطِعْ أَكْثَرَ مَنْ فِي الأَرْضِ يُضِلُّوكَ عَنْ سَبِيلِ اللَّهِ

مسمعتش قبل كدا

" كُلُّ نَفْسٍ بِمَا كَسَبَتْ رَهِينَةٌ "

طب عارف قول الحسن البصرى

يا إبن أدم لا
تغتر بكثرة الناس وإنما ستموت وحدك وتنزل إلى قبرك وحدك وتبعث وحدك
وتحاسب وحدك .فأجهز ليوم ستكن فيه وحيدا ولن ينصرك إلا عملك
فاوعى تقيم نفسك من تصرفات الناس ....

عشان كدا لازم
تخلى بالك قبل ما تفتح التلفزيون وتقلب بالريموت افتكر ان التلفزيون ده
نعمه اوعى تبدل هذه النعمه دى بانك تحارب بيها ربنا

التلفزيون ممكن تتفرج فيه ع رياضه تخلى جسمك كويس او تخلى صحتك كويسه
ممكن تتفرج فيه ع حاجه ترفيهيه مفيهاش منظر حرام..
فلو انت مشغول ف الشغل او ف العباده ترفه شويه وترجع للانتاج سواء ف علاقتك بربنا او ف التعامل مع الناس

ممكن تتفرج ع
برنامج دينى وانت قاعد 10 دقايق قدام التلفزيون ربنا يقول للملائكه
اشهدكم انى قد غفرت له عشان قاعد بسمع كلام عن ربنا عز وجل لكن اوعى
تكون جزء من اهداف ناس تانيه..
*************************
حاجه كمان احب اوضحها فى التمثليه الرومانسيه اللى موجوده اليومين دول يا جماعه البطل بيشرب ولا لاء؟؟
البطل متنرفز ومدايق من مراته شويه فبيشرب خمره!!!!!
وانا قاعد بتفرج....

طب وانت بتتفرج نسيت حديث النبى صلى الله عليه وسلم

من راى منكم منكرا
فليغيره فإن لم يستطع فبلسانه بس اكيد صوتك مش هيوصله من التلفزيون عشان
تنصحه طب كماله الحديث فإن لم يستطع فبقلبه كل العلماء قالوا بقلبه
يعنى يغير المنكر ده انه يسيبه لو يقدر ..
تعرف تغير القناه من ريموت التلفزيون ولا شايف انها حاجه صعبه عليك؟؟؟؟
****************************
اخيرا انا مش جاى قول ان التلفزيون حرام ولا حلال لكن هديك مثال بسيط عشان تفهم

التلفزيون ده زى الكوبايه الفارغه ممكن تحط فيه شويه ميه ويبقى حلال وممكن تحط فيه خمره ويبقى حرام
عند العلماء يسمى حرام لمحله وليس لذاته لان الكوبايه ف الاصل حلال ولكن وضع فيها شىء حرام.....

كان نفسى ازوق الكلام واقول يا جماعه خلوا الحاجه الحلوه اللى ف التلفزيون شوفوها والحاجه الوحشه عيب ..

لكن لازم نقول لان
اللى بيعرض ف التلفزيون دلوقتى جزء منه كبير جدا لا تفرق مع اللى
بيعرضوه دول دنيتك ولا اخرتك ولا حب نبيك ليك ولا ربنا سبحانه وتعالى ...

فاوعى تكون جزء من اهداف غيرك خليك جزء من اهداف النبى صلى الله عليه وسلم
عارف هدف النبى ايه ؟؟
يارب امتى.. فقال الله تعالى: "يا جبريل، اذهب الى محمد، فقل: إنا سنرضيك في أمتك ولا نسوءك"

خليك جزء من هدف
النبى صلى الله عليه وسلم انه يلمنا مع بعض فى الجنه ومتسبش عقلك ولا
قلبك لحد ماشى على غير خطى ونهج النبى صلى الله عليه وسلم

اتمنى اكون افدت الجميع وارجو نشر الموضوع لتعم الفائده واسالكم الدعاء ان يرضى عنى ربى ويغفر لى
منقول من حلقه الاعلام للداعيه مصطفى حسنى مع بعض الاضا[size=16]فات[/size]
[size=16]********************************[/size]

[size=16][size=21]منقووووووووووووووووول
[/size][/size] احد المفسدات اللى ف حياتنا ...التلفزيون 4030270686

احد المفسدات اللى ف حياتنا ...التلفزيون 4030270686

[size=16][size=21]........ ......[/size][/size]

» اللى يوصل ل 8 يبقى اطيب قلب
» اللى هيقرا النكت دى هيضحك مووووت...هههههههه
» نكتة والولد يستهبل على البنت طلعت البنت هى اللى بتسهبل